An emne chalte abr schöne Novämbertag hän sich au das Joor widr es paar vrruggti Jungi und Mittelalti in Basler Jura gwogt. Für eimol ohni Seil und Gstältli, drfür usgrüschtet mit Schufle, Motorsägi, Arbeitshändschde, warmem Tee und Suppe hän mir dr Ingelstei unsicher odr vil eher widr sicher gmacht.

Unsers Grüppli isch chliner abr keis bizli weniger motiviert gsi als in anderne Joor. Mir hän uns e Wäg durch e Dschungel bahnt, flissig Stäge baut und s luschdig gha drbi!

Vile Dank für dr Ihsatz vo unserne routinierte Wägli- und Stäglibauer us dr Sektion und vo unserne höchst motivierte Nochwuchs-Spezialischte us em KiBe! Danke au an alli JOler, wo denn in de nögschde Joore hoffentlich au widr tatchräftig wärde mithälfe :)